БиблиотекаНовостиРазноеБеларускія старшакласнікі прэзентуюць свае ідэі на маштабнай канферэнцыі ў Мінску

Беларускія старшакласнікі прэзентуюць свае ідэі на маштабнай канферэнцыі ў Мінску

Асаблівасцю канферэнцыі стане той факт, што ўпершыню ў гісторыі TED-руху ў нашай краіне ўсе спікеры будуць выступаць выключна на беларускай мове. Рэгістрацыя ўжо завершана, але паглядзець прамую трансляцыю можна будзе па спасылцы.

Канферэнцыя

Спікерамі TEDxYouth@Minsk стануць 10 беларускіх старшакласнікаў. Па ўмовах, навучэнцам 10-х і 11-х класаў было прапанавана рэалізаваць свае ідэі ў сферы тэхналогій, культуры і інклюзіі, зняць пра гэта відэаролік і размясціць яго ў сацыяльных сетках. Журы было прадстаўлена амаль 100 праектаў ад старшакласнікаў з усёй Беларусі.

Фіналістамі і ўдзельнікамі канферэнцыі сталі Iлля Баркоўскі, Анастасія Шор, Максім Хамета, Крысціна Байко, Сяргей Берлін, Цімафей Стамброўскі, Паліна Мураева, Мікіта Абрамчук, Юлія Стэфняк, Артур Царыковіч – навучэнцы школ, гімназій, ліцэяў і каледжаў Мінска, Гомеля, Жодзіна, Брэста, Слуцка і Вілейкі.

Для большасці з іх удзел у канферэнцыі – першы вопыт публічных выступленняў перад такой вялікай аўдыторыяй. Упершыню даступнымі шырокай аўдыторыі стануць і іх ідэі:  ад відовішчных да сур'ёзных – праекта па распрацоўцы турыстычнага брэнда роднага горада і інтэрнэт-платформы ўліку дасягненняў школьнікаў.

Канферэнцыя пройдзе 18 мая на сцэне Prime Hall.

По інфармацыі афіцыйнага сайта Федэрацыі прафсаюзаў Беларусі

Вы можете прислать нам свой вопрос. Для этого необходимо зарегистрироваться на сайте.