Канстытуцыйныя ператварэнні абмеркавалі на Гродзеншчыне ў фармаце інтэлектуальнай гульні

18 лютага 2022 г. у Гродна прайшла моладзевая інтэлектуальная гульня «Канстытуцыя – сіла Асноўнага закона», арганізаваная абласным камітэтам ГА «БРСМ» пры ўдзеле РЦПІ Гродзенскай вобласці і абласной калегіі адвакатаў.

Игра

Свае веды па праекту змен і дапаўненняў Асноўнага закона правярала студэнцкая і працоўная моладзь з усіх раёнаў Гродзеншчыны. Палац творчасці дзяцей і моладзі сабраў каля сотні ўдзельнікаў у складзе 19 камандаў.

Інтэлектуальная гульня складалася з шасці тураў. У кожным з іх камандам трэба было адказаць на 7 пытанняў па розных абласцях ведаў. Першы раунд «Медыяазбука» быў даволі лёгкім – удзельнікі хутка рэагавалі на агучаныя заданні. У другім туры давялося выявіць логіку і эрудыцыю. Інтэлектуальная напруга расла з кожным новым пытаннем, але, як і чакалася, тэматычны тур па Канстытуцыі апынуўся нескладаным для ўдзельнікаў.

«Моладзь неаднаразова абмяркоўвала праект змен і дапаўненняў Асноўнага закона, таму пытанні не выклікалі складанасці», – адзначыла Ала Бондар, спецыяліст па забеспячэнні асноўнай дзейнасці РЦПІ Гродзенскай вобласці.

Адным з самых напружаных раундаў стаў бліц. Тут давялося дзейнічаць уважліва і хутка, бо пытанне задавалася вядучым усяго адзін раз.

Молодежь

У абласным камітэце ГА «БРСМ» падкрэслілі, што цікавасць моладзі да ўдзелу ў падобных імпрэзах гаворыць пра тое, што тэма канстытуцыйных ператварэнняў сапраўды хвалюе маладое пакаленне.

Усім удзельнікам і пераможцам гульні былі ўручаны прызы ад арганізатараў.

Даведачна

Напярэдадні рэспубліканскага рэферэндуму ў Гродзенскай вобласці прайшло парадку 200 адкрытых дыялогаў у розных фарматах. Удзельнікі мелі магчымасць задаць пытанні, якія іх цікавяць, выказаць сваю думку, а таксама ўнесці прапановы па праекце змен і дапаўненняў Канстытуцыі Рэспублікі Беларусь. Усяго ў такіх імпрэзах прынялі ўдзел амаль 6000 чалавек.

Опубликовано:
22 февраля 2022
Просмотров:
2538
Поделиться в соцсетях: