Дзеці – наша будучыня. Менавіта праз іх выхаванне, фарміраванне культуры і цэнасных арыенціраў закладваецца, якімі будуць наша краіна і грамадства.
Існуе мноства свят, прысвечаных дзяцінству, і адно з іх – Сусветны дзень дзіцяці, якое адзначаецца штогод 20 лістапада.
Каб свята для вучняў 3–4 класаў ДУА «Гімназія № 10 г. Гомеля» асабліва запомнілася, спецыяліст РЦПІ Гомельскай вобласці Чарнейка Кацярына 18 лістапада 2021 г. запрасіла іх у падарожжа па старонках Дзіцячага прававога сайта.
Дзеці даведаліся аб законах нашай краіны, сваіх правах і абавязках, паблукалі па прававых лабірынтах. А для замацавання ведаў – паўдзельнічалі ў прававой віктарыне. Самыя актыўныя «падарожнікі» атрымалі апрача новай карыснай інфармацыі прызы ад Нацыянальнага цэнтра прававой інфармацыі.
Сусветны дзень дзіцяці аб'яўлены спецыяльна для таго, каб мы лішні раз задумаліся аб самых маленькіх і каштоўных стварэннях у нашым жыцці. Няхай іх дзяцінства штодзённа напаўняецца фарбамі і новымі ведамі, якія яны атрымліваюць, наведваючы яркія старонкі ДПС.