Акцыю «Ці гатова ваша дзіця да школы» правядзе ў паліклініках Мінска Гарадскі клінічны дзіцячы псіхіятрычны дыспансер з 18 па 21 красавіка. Пра гэта паведамілі ў адміністрацыі гэтай установы аховы здароўя.
У рамках акцыі адбудуцца лекцыі, круглыя сталы з удзелам дзіцячых псіхатэрапеўтаў, псіханеўралогаў. Акрамя таго, бацькі дзяцей, якія пойдуць у першыя класы сярэдніх школ, гімназій, змогуць пракансультавацца са спецыялістамі па пытаннях псіхалагічнай падрыхтоўкі шасцігодак.
Па паведамленню газеты «ЗВЯЗДА»
